მომხმარებლის გამოცდილების მართვა
წამყვანი კომპანიები, რომლებიც ოპერირებენ მსოფლიოს მასშტაბით, მომხმარებლის გამოცდილების გაუმჯობესების მიზნით ზრდიან ინვესტიციებს, რაც თავისთავად მეტყველებს მზარდ ინტერესსა და დაგენერირებული ინფორმაციის ანალიზის აუცილებლობაზე. ჩვენ გთავაზობთ რამდენიმე მეთოდს, რომლებიც პროცესებისა და ქმედებების გამარტივებით მომხმარებლის გამოცდილებასთან ერთად, გაგიუმჯობესებთ როგორც WOM მარკეტინგს, ასევე გაგიზრდით დადებით შეფასებებსა და რეკომენდაციებს. ამისათვის საჭიროა ყოველი ტრანზაქციის ანალიზი, რაც დამატებითი სარგებლის პოვნის საშუალებასაც იძლევა. ტრანზაქციებში მოიაზრება მომხმარებლის მიერ განხორციელებული ნავიგაცია ვებსაიტზე, ასევე მათთვის ფილიალშივე გაწეული კონსულტაცია თუ დახმარება და რაც მთავარია, პროდუქტისა თუ სერვისის შეფასება.
ციფრული იდენტიფიკაცია
ციფრული იდენტიფიკაციის მართვის თვალსაზრისით, ძირითადი პრობლემები უსაფრთხოებასა და კონფიდენციალურობაში მდგომარეობს. რეალურ იდენტობასა და ციფრულ იდენტობას შორის უტყუარი კავშირის დამტკიცება, პირველ რიგში მოითხოვს ვინაობის დადასტურება-დამტკიცებას. ჩვენი ციფრული იდენტიფიკაციის სისტემა, მომხმარებელს ხელმისაწვდომ მონაცემთა ინსფრასტრუქტურის გამოყენებით, საჭირო დროს საჭირო ინფორმაციაზე იძლევა წვდომას. ამ სისტემების დახმარებით მომხმარებელი უზრუნველყოფილია სიმარტივით, ბიზნესი უსაფრთხოებით, ხოლო პროვაიდერი კი წარმატებით.
ბიზნეს ანალიტიკა
კონკურენტუნარიან ბიზნეს გარემოში უპირატესობის მოსაპოვებკად კრიტიკულად მნიშვნელოვანია ხელმისაწვდომი მონაცემების სრული პოტენციალით გამოყენება. ამისათვის საჭიროა, სხვადასხვა სისტემაში არსებული (მიმოფანტული) ინფორმაციის ერთიან სივრცეში შეგროვება და შემდგომი ანალიზი. Qlik BI არის ბიზნეს ანალიტიკური პლატფორმა, რომლის დახმარებითაც შეაგროვებთ და გაანალიზებთ სრულად გაანალიზებთ არსებულ მონაცმეთა ბაზებს. Qlik-ის მონაცემთა ვალიდაციისა და მარტივი ვიზუალიზაციის ფუნქციონალი დაგეხმარებათ როგორც სტრატეგიული გადაწყვეტილების მიღებაში, ასევე შიდა პროცესების ოპტიმიზაციასა და კომპანიის ეფექტიანობის ზრდაში.
უსაფრთხოების სისტემები
სპეციალური პროგრამებით, სისტემური გაუმართაობით და სამუშაო პროცესის არასათანადო მართვით გამოწვეული კოორდინირებული თავდასხმები და ხშირი არასანქცირებული შეღწევები, უდიდეს გამოწვევას წარმოადგენს უსაფრთხოების ტექნოლოგიების სფეროში. ჩვენი სისტემების სახით მიიღებთ სპეციფიკურ მოთხოვნებზე სწრაფად და ეფექტურად მორგებად პროცესებს, რასაც თან ახლავს სრულად კონფიგურირებადი პროგრამული უზრუნველყოფა, რომლის ინტეგრირებაც შესაძლებელია ნებისმიერ ლოკაციასა თუ ინდუსტრიულ სივრცეში. ჩვენ გვაქვს მრავალწლიანი გამოცდილება უსაფრთხოების სისტემების ისეთ დაწესებულებებში დანერგვა-ინტეგრირებაში როგორიცაა სასამართლო დარბაზები, საავადმყოფოები, ინდუსტრიული ზონები, ბანკები, სავაჭრო ცენტრები და სხვა.
ჯანდაცვის სისტემები
ჩვენ გთავაზობთ სამუშაო პროცესის მართვის საუკეთესო გზებს ისეთი კომპლექსური და დატვირთული დაწესებულებებისთვის, როგორებიცაა საავადმყოფოები და კლინიკები. დაივიწყეთ ქაღალდის დოკუმენტაცია და გამოტოვებული ვიზიტები. გახდით მეტად ორგანიზებული და სრულად გააკონტროლეთ როგორც პაციენტების მიმოსვლა, ასევე მათი ანალიზების შედეგები და მედიკამენტების დოზირება. ამ ყველაფრის მიღწევა შესაძლებელია სრულად ავტომატიზირებული სისტემის დახმარებით, რომელიც უზრუნველგყოფთ ისეთი თვისებებით როგორებიცაა: პაციენტის ელ-ფოსტით ინფორმირება მოახლოებული ვიზიტის შესახებ, ვადაგადაცილებული ვიზიტების შეხსენება, ისტორიისა და განვითარება-მიმართულების ანალიზი და დეტალური რეპორტინგი, რაც თავის მხრივ პერსონალის ქმედუნარიანობის გაუმჯობესებას ემსახურება.
ბლოგი
შეფასებები
ზურაბ ტუსკია
თბილისის ზღვის ჰოსპიტლის IT დეპარტამენტის უფროსი
შესწავლისა და დაკვირვების საფუძველზე ვაფიქსირებ, რომ ამ დარგში, Doctra საუკეთესო პროგრამაა, რომელთანაც მიმუშავია, საუკეთესო support გუნდით! თამამად შემიძლია ვთქვა, რომ ჩვენს კლინიკაში Doctra-ს პროგრამის დანერგვის შემდეგ, საგრძნობლად გამარტივდა სამედიცინო პროცესების მართვა და მონიტორინგი, გაუმჯობესდა მარაგების ხარჯვის აღრიცხვის სიზუსტე. პროგრამიდან მიღებული რეპორტების საფუძველზე, შესაძლებელი გახდა კლინიკის განვითარების დინამიკის გაანალიზება და ფინანსური შედეგების პროგნოზირება, რამაც რესურსების ეკონომიის საშუალება მოგვცა.
ლაშა ფირცხალავა
თბილისის გულის ცენტრის ფინანსური დირექტორი
მხოლოდ სამ საათიანი მუშაობით მივიღე ანალიტიკური რეპორტი, რომლის ამ სიზუსტით შედგენა პროგრამის გარეშე, კვირების მუშაობის შედეგადაც კი შეუძლებელი იყო. Doctra-მ, მოკლე დროში, დანახარჯების დეტალებში გაშიფრული ანალიზის კეთებისა და მედიკამენტების დანაკარგით მიღებული ხარჯების დეტალურად კონტროლის შესაძლებლობა მომცა
ზვიად კერესელიძე
თბილისის გულის ცენტრის კარდიო-დისტანციური განყოფილების ხელმძღვანელი
განსაკუთრებით აღსანიშნავია სრულად ელექტრონული დანიშნულების ფუნქციონალი, რომელიც მთლიანად აკავშირებს ექიმს ექთანთან და ორივეს ფინანსურ განყოფილებასთან. პროგრამის დახმარებით, ადამიანური შეცდომების ალბათობა მინიმუმამდეა შემცირებული, მუშაობის პროცესი სწრაფი და კომფორტულია, მიღებული ინფორმაცია - საიმედო. პაციენტის მკურნალობის პროცესის უკეთესი მართვა, ნებისმიერ ეტაპზე - თამამად შეიძლება ჩაითვალოს
არჩილ ჩუხრუკიძე
თბილისის გულის ცენტრის გენერალური დირექტორი
Doctra, ექიმზე მორგებული პროგრამაა! ნებისმიერი პაციენტის სრული სამედიცინო ისტორია ერთ სივრცეშია თავმოყრილი. პაციენტის შემოსვლის დღიდან თვალსაჩინოა მისი მოძრაობა კლინიკაში. მოსახერხებელია დისტანციურად შეტყობინების გადასაცემად, რეალურ დროში ვხედავ დანიშნულებას და მყისიერად შემიძლია მასში შესწორების შეტანა. საუკეთესოა დისტანციურად მუშაობისთვის. არ ვარ მიჯაჭვული სამუშაო მაგიდას, სადაც კომპიუტერი ან პლანშეტი მაქვს, ყველგან შემიძლია ვაკეთო საქმე.”
თეა ახალაძე
თბილისის ზღვის ჰოსპიტალის გენერალური დირექტორი
Doctra-ს მთავარ უპირატესობად შეიძლება ჩაითვალოს - სამედიცინო დოკუმენტაციისა და ოპერაციების სრული შესაბამისობა მოქმედ კანონმდებლობასთან. ის ერთადერთი პლატფორმაა, რომლის დახმარებითაც, კანონმდებლობაში შეტანილ ცვლილებას, უმტკივნეულოდ მივიღებთ, გამომდინარე იქედან, რომ სისტემაში ინფორმაცია ავტომატურად იტვირთება და პლატფორმა ინტეგრირებულია პორტალთან. მხოლოდ ღილაკზე ერთი თითის დაჭერით სრული სამედიცინო ისტორიის ატვირთვას შევძლებთ, თანამშრომლებისათვის სამუშაო დროის მომატებისა და მოსალოდნელი ადამიანური ხარვეზების დაშვების გარეშე, კანონის შესაბამისად - პაციენტის გაწერიდან 5 დღის ვადაში.