16 / 03 / 20

რიგის მართვის სისტემის 6 დადებითი თვისება

არსებობს საზოგადოებრივი აზრი, რომლის თანახმადაც რიგის მართვის სისტემას რიგის ნომრის გაცემის გარდა სხვა ფუნქცია არ აკისრია. თუ ასე ფიქრობთ, მაშინ ეს ბლოგი თქვენთვისაა.

 

რიგის მართვის პირველი სისტემა

 

Qmatic-ის დამფუძნებლები რესტორანში რიგების მოუწესრიგებლობის პრობლემის წინაშე, რის შედეგადაც გამოიგონეს დანომრილი ბილეთების სისტემა.

 

თავდაპირველი მოდელი მხოლოდ რიგის ნომრის გაცემას ემსახურებოდა, რომლის შემდეგაც სერვისის გაცემის ადგილზე ხდებოდა მომხმარებლის გამოძახება. სწორედ აქ, 80-იანი წლების შვედეთში შეიქმნა რიგის მართვის პირველი ელექტრონული სისტემა.

 

სისტემის მომდევნო განვითარება

 

80-იანი წლების შემდეგ რიგის მართვის სისტემები საკმაოდ დაიხვეწა. დღესდღეობით, რიგის მართვის სისტემა ეხმარება ორგანიზაციებს, როგორც მომხმარებლის გამოცდილების გაუმჯობესებაში, ასევე გაცემული სერვისების მრავალმხრივ განვითარებაში.

 

ქვემოთ აღწერილია 6 უპირატესობა, რომელიც რიგის მართვის სისტემას ახასიათებს.

 

     1. უშუალოდ რიგის მართვა

არავის უყვარს რიგში დგომა, თუმცა ამ პროცესის თავიდან არიდება თითქმის შეუძლებელია. რიგები არის ყველგან სადაც რაიმე ტიპის სერვისის ან მომსახურების მიღებაა შესაძლებელი. რიგის მართვის სისტემა ემსახურება სერვისის მოლოდინის პროცესის გამარტივებას და კომფორტულ გარემოს შექმნას.

 

მომხმარებელი სერვისის მისაღებად იღებს ბილეთს და ელოდება საკუთარი რიგის ნომრის ასახვა-გამოცხადებას. ეს პრაქტიკა ამსუბუქებს სტრესის დონეს და ქმნის კომფორტულ, ანტისტრესულ გარემოს, რადგან  ქრება შეგრძნება, რომ შესაძლოა თქვენი რიგი ვინმემ დაიკავოს.

 

     2. კმაყოფილი პერსონალი

იმის გათვალისწინებით, რომ მომხმარებლები აღარ „იბრძვიან“ რიგის ადგილისა და სერვისის მიღებისათვის, პერსონალის სამუშაო პროცესიც საკმაოდ მარტივდება. მოგეხსენებათ, რომ კმაყოფილი და მშვიდი მომხმარებლის მომსახურება უფრო შედეგიანი და პროდუქტიული პროცესია.

 

Warwick-ის უნივერსიტეტის კვლევის თანახმად, ბედნიერი პერსონალის საერთო პროდუქტიულობა 12%-ით მაღალია საშუალო სტატისტიკურ მაჩვენებელზე, ხოლო უკმაყოფილო პერსონალი განიცდის 10%-იან ვარდნას.

 

     3. გაუმჯობესებული მომსახურების ხარისხი

რიგის მართვის სისტემის მიერ მოწოდებული მონაცემები გეხმარებათ პერსონალის ეფექტიანობის მონიტორინგში. მომსახურების ნებისმიერ საფეხურზე წარმოქმნილი ხარვეზი მყისიერად ისახება სისტემაში. ხოლო სტატისტიკა დაყრდნობით, შესაძლებელი ხდება რომელიმე კონკრეტულ მომსახურებაზე მოსალოდნელი მოთხოვნის ზრდის ან კლების წინასწარი განსაზღვრა. ამას გარდა, იკვეთება პერსონალის კონკრეტული წევრის თუ წევრების კვალიფიკაციის ამაღლების აუცილებლობა, რაც გეხმარებათ თანამშრომლების მიზანმიმართულ დატრენინგებაში.

 

     4. ხარჯების ოპტიმიზაცია

რიგის მართვის სისტემის დახმარებით ყოველთვის გექნებათ ზუსტი ინფორმაცია მომხმარებელთა გადაადგილების შესახებ. მისი დახმარებით შეძლებთ მომხმარებლის მოსალოდნელი რაოდენობის პროგნოზირებას დაგროვებული ინფორმაციის გაანალიზების საფუძველზე.

 

ეს ყველაფერი კი ეხმარება როგორც სამომავლო პროცესებისა და ქმედებების დაგეგმვას, ასევე არსებული რესურსებით მაქსიმალური ეფექტურობის მიღებას.

 

     5. მომხმარებლის უკუკავშირი

მომხმარებელი თქვენი ბიზნესის პირდაპირი ადრესატია. შესაბამისად მისი აზრი თქვენ სერვისთან თუ პროდუქტთან მიმართებაში კრიტიკულად მნიშვნელოვანია. რიგის მართვის სისტემაში ინტეგრირებული მომხმარებელთა უკუკავშირის მოწყობილობის დახმარებით, კომპანიებს ეძლევათ მყისიერი შეფასების მიღების საშუალება, რაც, თავის მხრივ, ემსახურება სერვისისა თუ პროდუქტის ხარისხის გაუმჯობესებას.

 

     6. მობილური და ინტერნეტ რიგის ნომერი

სასურველი სერვისისა და პროდუქტის მარტივად მისაღებად, მომხმარებლები იყენებენ როგორც მობილურ აპლიკაციებს, ასევე პერსონალურ კომპიუტერს. კომპანიები და ბიზნესები სწორედ ამ სეგმენტის, ძირითად შემთხვევაში მილენიალების მიზიდვისთვის „ეჯიბრებიან“ ერთმანეთს.

 

მობილური რიგის აპლიკაციების დახმარებით, მომხმარებელს სახლიდან გასვლამდე შეუძლია რიგის ნომრის აღება. იგივე პრაქტიკაა დამკვიდრებული როგორც საჯარო სერვისების მიღების, ასევე ჯანდაცვის კუთხით.

 

აქედან გამომდინარე, რიგის მართვის სისტემა უფრო მეტია ვიდრე უბრალოდ ბილეთების გაცემა.

მსგავსი სიახლეები